يوخو
آياق يالين
سن يوخولاريمدا چوخ سخاوتلي اولورسان
هر واخت سني اونوتماق ايستهينده
گئجه يوخوما سوخولوب
مني يئنه درده ساليرسان
سن يوخولاريمدا چوخ سخاوتلي اولورسان
گاه منه سئوديييم كيتابلاري آليرسان
گاه بير دسته چيچكله قارشيلاييب
بيردن ـ بيره قوجاقلاياركن
او قدر اؤپورسن كي گؤزلريم چؤيرولور
هوشدان گئديرم!
گونون گون اورتا چاغلاري ادالارين هارا،
يوخولاريمداكي ادالارين هارا…؟!
لاپ مات قالميشام سنه واللاه!
هئچ بيلميرم هانسي هاوانا اوينايام؟!…
ايندي اوياغام
يوخولاريما دوشونورم،
بير ده سنه…
دئييرم بلكه يوخولاريمدان اوتانيب
منه هئچ اولماسا بير پاي آلاسان…!
آما يوخ…!
سن اوتانان بشر دئييلسن
عاغيللي شئيطان دئيير
صاباحدان بير نئچه بسته دييازپام يئييب…
قويماييم سن يوخولاريمدان باشقا يئره گئدهسن
بير ياندان دا دلي شئيطانين الينده آوارا قالميشام كي؛
گئجهني قاتيب گوندوزه هئچ ياتماييم
يوخولاريمدا نه قدر گؤزلهييرسن
گؤزله مني
آي جاني يانميش…!
بؤلوم :
یازار : D.bəy